Sa colletzione de su MAN est su resurtadu de una seletzione coidada de òperas de artistas sardos dae sa fine de s’Otighentos fintzas a dies de oe. Una regorta de unas 500 òperas, chi sighit a crèschere, cun intro sos prus autores importantes de s’istòria de s’arte sarda, comente a Antoni Ballero, Giosepe Biasi, Frantziscu Ciusa, Màriu Delitala, Carmelo Floris, Maria Lai, Màuru Manca, Costantinu Nivola e e àteros meda. Sa colletzione includit fintzas una regorta de importu de disignos e tzeràmicas de Serbadore Fancello e s’òpera gràfica de Giuanne Pintori. Isetende chi sos traballos siant congruidos de ampriamentu de sa sea museale, sas òperas de sa colletzione de su MAN si podent bìdere a mutas in sos ispàtzios espositivos, torradas a ammaniare cada borta sighende critèrios diferentes, cun percursos o a tema o dedicados a un’artista.